O futuro dun pobo, dunha vila, non se pode decidir ao chou.
Os cidadáns e as cidadás debemos esixirlles aos políticos que nos representan que nos conten, que nos expliquen os seus proxectos.
É imprescindible que se realice unha análise profunda da situación de partida, dos recursos cos se conta e das carencias que se pretenden cubrir.
Cómpre o deseño de proxectos que permitan á cidadanía visualizar como será o seu pobo a 10 anos vista: as infraestruturas, os servizos, as posibilidades de emprego, o desenvolvemento do comercio, do rural, turístico. O enfoque ten que ser global e responder a obxectivos de modernización, desenvolvemento económico e comercial e mellora da calidade de vida de todos os cidadáns, tendo en conta que todos estes parámetros están totalmente relacionados polo que deberían abordarse tanto directamente como dun xeito transversal.
Debemos esixirlles aos políticos que nos presenten plans ambiciosos que nos fagan ver as posibilidades de modernización e desenvolvemento da vila na que vivimos, especificando as prioridades, os obxectivos a acadar a curto, medio e longo prazo.
A nosa vila é o entorno no que no medramos en todos os aspectos e debe dar respostas a moitas das nosas necesidades: a atención dos fillos, dos maiores, a calidade educativa, a conciliación da vida laboral e familiar, as posibilidades de traballo, a desenvolvemento dos xoves, a formación permanente, o desenrolo dixital, a calidade dos servizos básicos, o apoio aos emprendedores e ás emprendedoras.
Hoxe en día non podemos consentir que o futuro dos nosos pobos responda á improvisación e ás ocorrencias de quen non ten as cousas claras.
Un pobo con futuro é un pobo que ten claras as súas metas e segue un plan ben deseñado e elaboralo para conseguilas.
No hay comentarios:
Publicar un comentario