A VOLTAS COA LINGUA

Identificar aos galego-falantes co nacionalismo e aos castelán-falantes co non nacionalismo de dereitas é un erro imperdoable que acabará pasando factura a toda a sociedade galega. A politización das linguas implicaría a radicalización de posturas enfrentadas e a victoria do monolingüismo, sexa este do tipo que sexa.

É certo que todavía unha boa maioría de galegos e galegas optamos polo castelán como única lingua de relación social e familiar. Pero tamén é certo que hoxe en día, e gracias ao ensino en galego de parte das materias do curriculum, a gran maioría dos galegos e galegas temos a capacidade de poder elexir a lingua na que queremos relacionarnos. Podemos ser máis fluídos nunha lingua que na outra pero somos quen de conversar en calquera das dúas.

Apostar por un modelo de ensino monolingüe á carta (en galego ou castelán), que trate a calquera das dúas linguas de Galicia como linguas estranxeiras significaría a politización real do ensino e levaría á sociedade galega a un calexón sen saída no que os enfrentamentos ideolóxicos impedirían que os nosos cativos apreciaran a gran riqueza da nosa herdanza lingüística , o bilingüismo.

O novo decreto do uso do galego no sistema educativo fai legalmente posible a existencia de colexios monolingües en galego, podendo impatir únicamente en castelán a área de lingua castelá. A única diferencia cos centros monolingües á carta (defendidos pola Asociación de Galicia Bilingüe) é que, neste caso, a decisión a toman os claustros de profesores directamente, decidindo os docentes en que lingua van impartir as súas áreas.

Defendo e apoio a galeguización do ensino. Considero a normalización da lingua galega nos centros educativos imprescindible para conquerir o obxectivo de bilingüismo de facto ambicionado por gran parte da nosa sociedade.

Pero quero manifestar públicamente o meu humilde desacordo coas dúas posturas arriba mencionadas. Non aos centros educativos que convirten o galego ou o cantelán en meras linguas estranxeiras. A maioría dos galegos e as galegas queremos saber falar e escribir ben en ambas as dúas linguas. Non estamos enfrentados con ningunha e queremos que os nosos fillos e fillas se sintan orgullosos de ambas.

Defendo o bilingüismo como o gran obxectivo a conquerir porque considero que implicará a normalización da lingua galega no entorno social e familiar dos galegos, en moitas ocasións presidido únicamente polo castelán.

Sumemos. Se dividimos, perdemos todos.