Na escola, en galego o 50%

Diríxome á Galicia madura, segura e orgullosa de si mesma, sen complexos. Diríxome  á  Galicia que, en castelán ou en galego, é quen de defender a súa lingua propia, o seu legado. Á Galicia da costa e á Galicia do interior. Á Galicia do rural e á das cidades.

Diríxome a esa Galicia libre de medos. Á Galicia que entende que o galego non é un obstáculo para a educación dos seus fillos e das súas fillas, senón que é un privilexio.

Á Galicia que sae polo mundo, á que viaxa co galego na maleta, á Galicia da morriña,  á dos ríos e das fontes, á  dos queixumes dos pinos, á Galicia dos bos e dos xenerosos, esa Galicia, a que proclama o galego máis alá dos mares e dos montes.

Diríxome a  todos e a todas os que aman a súa terra, aos que falan en gallego, aos que falan castelán e ás veces en galego e mesmo aos que  din que nunca falan o galego.

A  todos e a todas as galegas. Aos que amamos a Galicia e ao galego.

Porque os que  medramos en castelán, queremos medrar tamén en galego.

Porque os que soñamos en castelán, queremos soñar tamén en galego.

Porque os que vivimos en castelán, queremos vivir tamén  en galego.

Porque os que aprendemos en castelán, queremos aprender tamén en galego.

E porque a escola normaliza o bilingüismo.

E porque en galego tamén podemos

DEFENDAMOS   O   GALEGO 

NA  ESCOLA, EN  GALEGO  O   50 %

A Voz Dixital